ELE4017 Machine, Power electronic and Drive

Introduction

呢科叫做電機與驅動, 傳聞中成個電機hd最深果科, 我一直唔相信. 點知一開sem就無一課跟得上, 堂堂都帶住問題返屋企, 真係讀到我同我啲同學都返唔到轉頭呀(要retake寧願去死).

CH1. 火牛

呢一課算係成個module比較易理解, 難點在你識唔識點樣refer to LV side同埋refer to HV side中間切換, 不過考試都幾公式化, 機本上操掂tutorial就無問題, 而且年年考28%, 一定要舞掂佢 難易度:***

CH2. DC摩打

呢一課既理論唔算抽像, 佢既難點在玩串激, 並激, 他激電路既時候, 佢既電壓,電流, 磁場, 轉速,扭力都唔同左, 你要心水清佢地啲關係, 再重新build up 一條方程出黎. 難易度:*****

CH3. 三相異步motor

AC摩打其實前面都唔難理解, 探討下滑差slip 同埋頻率既關係, 中間會插入轉速,扭力同埋slip既關係就開始抽像, 好多特性曲線圖要你睇下, 啲方程都幾長下, 背唔到, 雖然考試會比你, 不過你都可能唔識點應用, 後面加埋Drive出先係重頭戲 難易度****

CH4. 單相AC摩打

呢課歷界多點考, 啲內容唔算淺, 求合格同既可以唔洗理, 精益求精既會知道點解屋企啲電風扇入面會有粒CAP 難易度***

CH5. 大電電子

呢課分開左三部分, 第一part係AC->DC既converter, 其實得兩條式, 一係三相, 一係單相. 不過會考你畫佢個電路同埋output wave form 都幾攞命架;

第二part係DC升壓降壓電路, 繼火牛以外第二容易理解既一part, 考試模式年年一樣咁滯, 執分勝地 一般跟埋DC驅動出題;

第三part係DC->AC既inverter, 無乜數考, 考你畫圖啦, 

Overall難易度: *** 

CH6. DC驅動

其實就係DC 摩打同埋 DC升壓降壓電路既混合題

搏佢唔考你串激電路就無乜問題既, 要識畫佢幅電路圖

難易度: **

CH7. AC驅動

呢課係VVVF, 講既野差唔多係成課電機既精華, 難度亦都係最深, 求合格既朋友, LQ唔好揀為妙, 精益求精既, 搞掂呢課, 基本你AC摩打巳經無問題架啦 一句講晒, 概念深, 考試千篇一律

難易度:*****